សាន់ហ្វ្រេនស៊ីស្កូ, ស.រ.អា: ក្រុមហ៊ុន Apple បានដាក់ពាក្យបណ្តឹង Samsung នាថ្ងៃសុក្រនេះនៅរដ្ឋកាលីហ្វ័រញ៉ា ដោយចោទប្រកាន់ក្រុមហ៊ុនកូរ៉េខាងត្បូងថា បានផលិតទូរស័ព្វដៃ និង Tablet (តាប្លេត) ម៉ាកThe Galaxy Tab ចម្លងតាមរូបមន្តiPhone និង iPad របស់ខ្លួន។កាសែតThe Wall Street Journal បានឃើញពាក្យបណ្តឹង៣៨ទំព័រ នេះដែលមានខ្លឹមសារត្រួសៗថា Samsung មិនបានច្នៃប្រឌិត ឬបង្កើត ទូរស័ព្វដៃ និង Tablet ដែលជានិមិត្តសញ្ញារបស់ខ្លួនទេ តែគេបានចម្លងម៉ូដែលសឹងតែទាំងស្រុង រួម និងកម្មវិធីប្រើប្រាស់ផ្សេងៗទៀត ដែលជានិក្ខិត្តសញ្ញា និង សិទ្ឋិបញ្ញា របស់ Apple តែម្តង។
គួររំលឹកដែរថា The Galaxy Tab របស់ Samsung បានលក់ដាច់ច្រើនប្រហាក់ប្រហែលនឹង Apple iPad ដែរ ហើយការប្តឹងលើគូប្រជែង តែងកើតមានឡើង រវាងក្រុមហ៊ុនធំៗ ដែលផលិតទូរស័ព្វដៃ និងTablet ទាំងនេះ៕
