ថ្មីៗនេះ ក្រុមអ្នកវិទ្យាសាស្ត្រទើបតែបង្កើតសំបកស្រោបម្យ៉ាង សម្រាប់ទូរស័ព្ទ iPhone ដែលអាចឲ្យទូរស័ព្ទដំណើរការកម្មវិធីថ្មីមួយទៀត គឺបញ្ជាទូរទស្សន៍ និងឧបករណ៍អេឡិចត្រូនិកបានដោយផ្ទាល់ពីទូរស័ព្ទ តែម្តង។
សំបកស្រោបនេះមានឈ្មោះថា វូម៉ូតវ័ន(Voomote One) អ្នកអាចជ្រើសរើសកម្មវិធី ឬប្តូរត្រឡប់មកជាទូរស័ព្ទវិញក៏បាន។ អ្នកអាចប្រើវាដើម្បីបញ្ជាលើDVD player និងម៉ាស៊ីន ចាក់ចម្រៀង ព្រោះវាដំណើរការដោយប្រព័ន្ធគ្មានខ្សែ (Wireless) និងអាចចាប់យកអគ្គីសនីកម្ម អ៊ីនហ្វ្រា(Infrared) និងឧបករណ៍អេឡិចត្រូនិកជាច្រើនប្រភេទទៀត។
ក្រុមហ៊ុន Zero1 tv ដែលមានមូលដ្ឋាននៅទីក្រុងប៊ែរឡាំង(Berlin) ប្រទេសអាល្លឺម៉ង់ បានឲ្យដឹងថា “ជាមួយនឹងឧបករណ៍នេះ អ្នកអាចបញ្ជាឧបករណ៍អេឡិចត្រូនិក បានដោយប្រើត្រឹមតែទូរស័ព្ទតែប៉ុណ្ណោះ”។
នាពេលនេះ សំបកស្រោប Voomote One នេះ មានលក់នៅសហរដ្ឋអាមេរិក ក្នុងតម្លៃ៩៩ដុល្លារ៕
