Appleឈ្នះSamsung
ពោះការលក់កុំព្យូទ័រ Galaxy Tab 10.1 របស់ក្រុមហ៊ុន Samsung Electronics
នៅអាមេរិក ខណៈក្រុមហ៊ុនទាំងពីរកំពុងមានជម្លោះផ្លូវច្បាប់ទាក់ទងនឹងបណ្តឹង
រំលោភប៉ាតង់របស់ក្រុមហ៊ុន Apple។
លោកស្រី Lucy Koh ចៅក្រមតុលាការតំបន់អាមេរិកនៅទីក្រុងSan Joseរដ្ឋកាលីហ្វ័រញ៉ាបានចេញដីកាសម្រេច
នេះកាលពីម្សិលមិញ បន្ទាប់ពីបានបដិសេធ សំណើរស្រដៀងគ្នា នេះមួយកាលពីខែធ្នូ ។ សំណើររបស់ក្រុមហ៊ុន
Apple ដែលជាផ្នែកមួយនៃជម្លោះប៉ាតង់ដ៏ធំជុំវិញទូរស័ព្ទទំនើប និងកុំព្យូទ័របន្ទះស្តើងនេះ គឺផ្អែកលើការសេចក្តី
សម្រេចរបស់តុលាការឧទ្ធរណ៍ ដែលថា ក្រុមហ៊ុនរបស់ខ្លួន នឹងឈ្នះក្នុងបណ្តឹងរំលោភប៉ាតង់ទាក់ទងនឹងកុំព្យូទ័រ
បន្ទះស្តើង Galaxy Tab 10.1 នេះ។
ក្រុមហ៊ុនផលិតទូរស័ព្ទតម្លៃថ្លៃធំជាងគេរបស់ពិភពលោកទាំងពីរនេះបានចោទប្រកាន់គ្នាទៅវិញទៅមកពីការលួច
ចម្លងរចនាម៉ូដ និងបច្ចេកវិទ្យាទូរស័ព្ទ និងកំពុងវាយប្រហារគ្នាក្នុងជម្លោះប៉ាតង់នៅទូទាំងពិភពលោក ដើម្បីរក្សា
ឥទ្ធិពលរបស់ខ្លួនក្នុងទីផ្សារទូរស័ព្ទទំនើបពិភពលោក ដែលមានទំហំទឹកប្រាក់ចំនួន ២១៩ពាន់លានដុល្លារនេះ។
(អត្ថបទដកស្រង់ពីភ្នំពេញប៉ុស្តិ៍)
