ថ្ងៃទី 16 ខែមីនា ឆ្នាំ2012, ម៉ោង 01:36 AM អង្គរធំ
ថ្មីៗនេះ ក្រុមហ៊ុនផលិតរថយន្ត Smart របស់ អាល្លឺម៉ង់ បានផលិតរថយន្តប្រភេទថ្មីមួយ ដើរដោយ ថាមពលអគ្គិសនី និងបំពាក់ដោយវីដេអូ ដើម្បីពិនិត្យ ស្ថានភាពផ្លូវនៅខាងក្រោយ ដើម្បីវាយលុកចូលទីផ្សារ របស់សហរដ្ឋអាមេរិក។
រថយន្តប្រភេទនេះ មានប្រវែងត្រឹមតែ ៣,៦៥ម. និងកម្ពស់ត្រឹមតែ ១,៥២ម.តែប៉ុណ្ណោះ ពោលគឺវាមាន ទំហំតូច អាចដាក់ចូលទៅក្នុងរថយន្តដឹកទំនិញធុនតូច បាន។ ម៉្យាងទៀត ម៉ាស៊ីនរថយន្តនេះ ដើរដោយម៉ា- ស៊ីនម៉ូទ័រអេឡិកទ្រិកម៉ាញ៉េតូ ៥៥KW និងមិនបញ្ចោញ ផ្សែង នៅពេលបើកបរនោះឡើយ។ ក្រៅពីនេះ អ្នកបើកបរ អាចមើលឃើញស្ថានភាពផ្លូវ នៅខាង- ក្រោយ តាមរយៈកាមេរ៉ាទូរស័ព្ទ Smartphone បានថែមទៀត។
លោកស្រី អានណេតត៍ វីនខ្លឺរ (Annette Winkler) ជានាយកប្រតិបត្តិការ នៃក្រុមហ៊ុន Smart បានឱ្យដឹងថា “រថយន្តប្រភេទនេះ កំពុងពេញនិយមនៅអឺរ៉ុប ដោយលក្ខណៈពិសេស នៃ រថយន្តនេះ គឺផ្ទៃខាងក្រៅតូច តែផ្ទៃខាងក្នុងធំទូលាយ មានផាសុកភាព និងសុវត្ថិភាព ជាពិសេស មិនចាំបាច់ប្រើប្រាស់សាំងនោះឡើយ"៕
