- Written by Super User
ក្រុងឡុងដ៍ :
តើមានម្ចាស់រថយន្តណាហ៊ានចំណាយប្រាក់ច្រើនបែបនេះទេសម្រាប់
សេវាកម្មសម្អាតរថយន្តនោះ?យានដ្ឋានThe Ultimate
Shineនៅឯទីក្រុងឃឺកខាលឌីប្រទេសស្កុតឡេនពិតជាមានសេវាកម្មលាងរថយន្ត
បែបនេះមែនគឺតម្លៃ១៥ម៉ឺនដុល្លារ។
លោកប៉ូលវីលខិនម្ចាស់យានដ្ឋានលាង
រថយន្តខាងលើនិយាយថាកន្លែង
របស់លោកបើកទទួលសេវាកម្មលាងរថយន្តត្រឹមតែបីប៉ុណ្ណោះក្នុងមួយ
ឆ្នាំ។
ម្ចាស់យានដ្ឋានវ័យ៣៤ឆ្នាំរូបនេះ
បន្តថា៖
«សម្រាប់តម្លៃនេះខ្ញុំនឹងហោះទៅរកម្ចាស់រថយន្តដល់កន្លែង
មិនថានៅប្រទេសណាទេ
ហើយខ្ញុំរកស៊ីតែជាមួយអ្នកណាដែលស្រឡាញ់ឡានរបស់ខ្លួនពិតប្រាកដ
ប៉ុណ្ណោះ»។
ជាមួយនឹងតម្លៃកប់ពពកបែបនេះ
លោកបានចាប់ផ្ដើមដោយធ្វើការជម្រះជាតិពុលពីរថយន្តនិងកង់។
បន្ទាប់មកលោក ប៉ូល វីលខិន
នឹងប្រើម៉ាស៊ីនប៉ូលាតួរថយន្តទាំងមូលយ៉ាងផ្ចិតផ្ចង់គ្រប់
កន្លុកកន្លៀត ដែលដំណើរការនេះជួនកាលត្រូវចំណាយពេលពេញ១ខែ។
លោកបានអះអាងថាជួនកាលលោកត្រូវជូតប៉ូលារាប់រយដង
ដើម្បីធានាឲ្យបានថារថយន្តនោះគ្មានស្លាកស្នាមអ្វីសូម្បីតែ
បន្តិច។ ម្ចាស់យានដ្ឋានThe Ultimate
Shineនេះបានប្រើម្សៅក្រមួនចម្រាញ់ពីដើមកាណូបាដែលវាជារុក្ខជាតិ
ម្យ៉ាងមានដើមខ្ពស់ជាងគេបំផុតនៅប្រទេសប្រេស៊ីល។
លោកប្រើវាសម្រាប់ប៉ូលាលាងរថយន្តទាំងស្រុងមានតម្លៃ១០ម៉ឺន
ដុល្លារដែលមានប្រសិទ្ធភាពអាចការពារការសឹកនានាដោយអាកាសធាតុ។
លោកប៉ូលវីលខិនបន្ថែមថា៖
«ជួនកាលខ្ញុំត្រូវចំណាយពេល៣ខែឯណោះសម្រាប់សម្អាតរថយន្ត១គ្រឿង។
ខ្ញុំត្រូវធ្វើការឲ្យអស់ថ្លៃរហូតទាល់តែរថយន្តនោះស្អាតឥតខ្ចោះ
ទើបខ្ញុំដាច់ចិត្តប្រគល់សោឡានឲ្យម្ចាស់វាវិញ»។
តែប្រសិនបើម្ចាស់រថយន្តទាំងឡាយគិតថា
សេវាលាងរថយន្តរបស់ យានដ្ឋានThe Ultimate Shineនេះវាថ្លៃពេក
មិនចង់ចំណាយប្រាក់ច្រើនលោកអ្នកអាចទិញផលិតផលម្សៅក្រមួនប៉ូលា
រថយន្តម៉ាកMitchell & King's GRV gold Rally
Waxដែលមានតម្លៃ៩៧០៦០ដុល្លារនោះយកទៅដុសខាត់រថយន្តដោយខ្លួនឯង
នោះនឹងចំណេញសល់ប្រាក់៥ម៉ឺនដុល្លារទៀតផង៕ ប្រភពព័ត៌មានៈ ភ្នំពេញប៉ុស្តិ៍